La Cabana Beach Resort & Casino tabata tin e placer di celebra un logro remarcabel na e evento anual di celebracion di aniversario pa empleadonan den 2024, na unda cu e dedicacion increibel di e miembronan di team na brinda servicio a keda reconoci y celebra. E aña aki, e resort a aplaudi 480 aña combina di experiencia, cu empleadonan marcando cinco, dies, diescinco, binti, binti cinco y hasta trinta aña di compromiso n’e organisacion.
E celebracion tabata un evento hopi bunita organisa, incluyendo un delicioso buffet prepara pa Chef Sandro y su team culinario talentoso. E platonan tabata un testamento na loke ta nan expertisio culinario, anto a agrega un sabor special n’e festividadnan.
General Manager, Joe Najjar, Assistant GM, Jessica Franken, y HR Director, Tessely Koolman, a presenta nan discursonan expresando nan gratitud y aprecio, dunando un pabien na tur esnan celebrando nan logronan den nan carera. Nan palabranan a subraya e contribucionnan valioso di empleadonan y sentido fuerte di comunidad cu ta defini e ambiente laboral.
Den su discurso, General Manager Joe Najjar a comparti cu: ‘Nos ta inmensamente orguyoso di nos empleadonan y nan dedicacion continuo. E celebracion no tabata solamente tocante e añanan di servicio, pero tambe pa loke ta e experiencianan comparti den crecemento y progreso, como tambe logronan cu ta trece nos tur hunto.”
Un brindis pa mas añanan di exito a sigui despues, reconociendo cada un empleado riba nan aniversario.
