Aruba tin un Barista Champion nobo

 ORANJESTAD – Tin bastante trabou ora di crea un bebida na Starbucks y e baristanan di Starbucks ta hasi esaki cu passion. Sea ta un espresso, latte, cappuccino of un Frappuccino, tur bebida ta wordo traha dor di e baristanan cu hopi orguyo pa demostra nan abilidadnan y di e forma ey eleva e experencia di cada cliente y calidad di e producto.

E simannan nos dilanti 2,000 barista di Starbucks for di 16 pais den Latinoamerica y Caribe lo participa na e competencia ‘National Starbucks Barista Championship’, di cual e prome etapa ta tuma luga den e propio establecimento pa despues pasa pa esun na nivel nacional y finalmente na nivel internacional. 16 Barista representando e mihor di e mihornan for di Starbucks LATAM (Latinoamerica) tin e oportunidad pa comparti nan pasion pa calidad y arte di barista na e di 6 edicion di e Barista Championship Experience, e aña aki na Costa Rica.

Pa Aruba nos tabata tin 5 competencia, cada tienda: Starbucks Renaissance Mall, Starbucks Renaissance Marketplace, Starbucks Paseo Herencia, Starbucks Aruba Marriott y Starbucks at Gloria a saca na propio Barista Champion. For di e 5 baristanan aki, 4 a competi contra otro den un competencia hopi intenso. E competencia final a tuma lugar na Starbucks at Gloria, cual ta Aruba su Starbucks di mas nobo. Un tienda moderno estilo ‘kiosk’ cu ta habri tur dia pa sirbibo e mihor coffee aki na Aruba. 

E competencia a inicia cu Natasha Rasmijn (Starbucks Renaissance Mall) cu a duna un bon presentacion splicando asina e arte di koffie, segui pa Alexsia Geerman (Starbucks Paseo Herencia) cu a inspira tur hende contando su experencia trahando pa Starbucks. A toca turno despues pa Gillianne Alders (Starbucks Renaissance Marketplace) cua sorprende tur hende cu un curason como su latte art. Y pa finalisa nos tabata tin Alexander Lacle (Starbucks at Gloria) cu a captiva tur hende cu su carisma. No por saca un ganador sin un cuerpo di hurado, como hurado nos tabata tin Chanteau Ogilvie cu ta Director of Rooms Operations na Renaissance Aruba como tambe Enrique Ballestrini cu ta un food and cocktail blogger y influencer aki na Aruba y author tras di e pagina www.thefoodelife.com. Pa e parti tecnico tras di bar tabata tin Janella Werleman, Starbucks Coffee Master y Assistant Store Manager.

Despues di 2 ronda intensivo cu hopi aprendisahe y purbamento di koffie a saca como ganadora Gillianne Alders cu a representa e tienda di Starbucks Marketplace. Giallianne tin 4 aña trahando pa Starbucks y ta un barista masha stima bao di e clientenan. Un Barista cu lo ta un digno representante pa Aruba na Costa Rica. Pabien Gilley!

Mester remarca tambe un dato hopi importante cu e aña aki Starbucks ta cumpli 50 aña riba mercado sirbiendo mundo henter e mihor koffie. Moviendo dilanti, Starbucks kier crea mas positivismo bao di e partnersnan y e comunidad unda cu nan ta establece ofreciendo asina productonan sostenible, cual a caba di lansa un linea nobo di tumblers cu materialnan recicla, y poco poco introduci mas tiendanan bao di e concepto ‘green’. Pa Starbucks eta hopi importante pa su clientenan ta consiente riba cambionan pa un mihor medio ambiente.

LEAVE A REPLY

Please enter your comment!
Please enter your name here