Empleadonan y miembronan di gerencia na team di La Cabana Beach Resort & Casino a bini hunto pa celebra y reconoce e streanan di tres kwartaal, Juni, Juli y Augustus 2022 na un evento di luncheon party special den Ballroom.
E evento a wordo hosted pa departamento di Recursonan Humano, y Food & Beverage a honra empleadonan cu a duna tur di nan mes pa nan trabao, cumpliendo y manteniendo e resort su compromiso na excelencia, continuando asina na crea vacacionan bunita y memorabel.
La Cabana Beach Resort & Casino ta dedica na normanan y balornan halto, apreciando y balorando su empleadonan cu ta refleha agilidad, aprecio, excelencia, integridad, inovacion y obsesion cu satisfaccion di nos bishitantenan.
Un pabien ta bay na tur ganador y nominadonan pa bo contribucion na loke ta e exito di La Cabana, Aruba su destinacion di vacacion familiar di mas stima. Reconoci pa excelencia, Minerva Hayes, empleado di luna pa Juli, Lynette do Nacimento, empleado di luna di Augustus, Alvaro Paramo, empleado di luna di September, Enmanuel Antonio, Supervisor di tres kwartaal y Pool & Beach Team, selecta como e team di tres kwartaal.
Den e imagen por mira algun momentonan captura di e ocasion.
