Celery Academy ta ofrece un webinar di 30 minuut caminda lo trata e tema “recruitment funnel” y con bo por aplica esaki. E webinar aki no ta solamente pa personanan cu ta traha den e industria di Recurso Humano, pero e ta interesante tambe pa teamnan di maneho. E webinar ta tuma luga dia 17 di november 2021 y lo ta na ingles.
Romy Nieuwenhuis di Bravo Curacao lo duna e evento online aki. Romy ta un profesional cu hopi experiencia den area di Recurso Humano y Maneho Operacional. E ta duna conseho na tanto companianan chikito como grandi riba temanan relata na capital humano, “talent management” “recruitment”, “educational development” y procesonan adminisitrativo.
Celery Academy ta un instituto cu ta duna cursonan riba tereno di “Payroll”, Recurso Humano y Finanzas. Semper teniendo cuenta cu e leynan actual den Caribe, pues e cursonan ta directamente aplicabel den practica. E webinar aki ta e oportunidad perfecto pa profesionalnan por amplia nan conocemento y bira experto den nan area.
Pa mas informacion tocante tur webinar y cursonan online cu ta na caminda, of pa inscribi, bishita: www.celeryacademy.com.
