E detencion di e pareha ta relaciona cu un detencion di 9 persona di nacionalidad Venezolano cu a trata di drenta Aruba ilegalmente, den e celular confisca di e capitan, lo a bin topa cu informacion probablemente comprometedor di e trahado di K.I.A. y su casa. Mesora despues di un investigacion cortico a detene e pareha, e pareha tin algo mas cu dos siman deteni.
Januari 11 2022, den oranan di marduga autoridad a bay den Colony, e luga unda cu botonan ta trece personanan indocumenta for di Venezuela. Ariba e dia aki, autoridad a logra pone man ariba 9 persona ilegal, tur di nacionalidad Venezolano. Un rato despues e capitan di e boto tambe a wordo aresta.
CAPITAN DETENI
E capitan a wordo deteni ariba lama, mas o menos 3 miya pazuid di Aruba, na momento cu e tabata bayendo bek Venezuela. Kustwacht cu a intercepta e boto y a detene e capitan. E capitan a wordo treci tera y nan a entrega e capitan den man di recherchenan di e Unidad Mensensmokkel y Mensenhandel.
CELLULAR COMPROMETEDOR
E team special aki, cu ta esnan cu tin e tarea pa combati e traficacion di hende a start nan investigacion. Mas cu logica, mirando cu nan tin e capitan tawata un plus punt caba y por bisa cu esaki a haci e investigacionnan cana mas facil.
AUTORIDAD SEMPER TA CONFISCA CELULAR
Den mayoria di caso di delitonan serio, semper e cellular y/of computer di e sospechoso ta wordo confisca y esnan specialisa den e trabou aki , ta investiga y rista esakinan por completo. Den e caso aki e capitan tabata tin su celular cu ne y semper autoridad prome cos cu nan ta haci ta confisca cellular y of Laptop, tablet, pa motibo cu den un celular, nan lo haya e ultimo yamadanan haci, mensahenan manda y e lista di contacto di e sospechoso. E informacionnan aki ta di sumo importancia pa nan investigacion.
TRAHADO DI K.I.A. Y CASA DETENI
Den e investigacion aki a bin topa cu un contacto local, un homber cu ta traha na Korrectie Instituut Aruba esta K.I.A , den e departamento di mantencion.
E homber aki di fam P. y su pareha cu ta un Venezolana, tawata tin contacto estrecho cu e capitan di e boto. Despues di un investigacion profundo den mas o menos dos siman, e pareha aki a wordo aresta y encarcela, ambos ta wordo sospecha di ta envolvi den traficacion di hende for di Venezuela.
DOS RUMAN DI CASA DETENI
Segun nos a compronde e dia nochi aki, di e 9 personanan ilegal deteni, dos tawata ruman di e señora.
Probablemente si e capitan prome cu e lo a wordo deteni a benta su celular den lama e pareha aki lo por a scapa di wordo deteni, pero mas sigur e capitan no lo a pensa esaki of no a haya ni chens pa bente.
MENSAHENAN COMPROMETEDO
Celular, laptop, tablets ta keda algo hopi personal di su doño y den dje por tin hopi informacionnan confidencial y por ta comprometedo locual tabata tin den e celular di e capitan.
Aparentmente te hasta si bo delete mensahenan for di bo celular, autoridad lo tin aparatonan sofestica cu nan lo por yega na e mensahenan cu a wordo delete. Pa e motibo aki semper autoridad ta confisca celular, laptop y tablets, pa haya e informacion cu tin den dje cu lo por ta di gran importancia pa e investigacion.
