Minister di Husticia, Integracion, Transporte Publico y Energia, mr. drs. Arthur Dowers, a haci un bishita na e facilidadnan di Guarda Nos Costa na FOL y Dakota. E bishita aki ta parti di e esfuerso continuo pa mehora y modernisa e facilidadnan di detencion di personanan indocumenta cu ta pendiente nan deportacion.
Despues di su bishita na Inmigracion na aeropuerto, Minister Dowers a bay na FOL, cu ta ubica banda di Brandweer Airport, pa constata personalmente e resultado di e trabaonan di renobacion cu a tuma luga despues cu e edificio a deteriora pa falta di vision y inversion durante e ultimo gobernacion.
Apenas algun luna atras, e propio Minister Dowers a haci un bishita di sorpresa na e facilidad y a mira cu e proceso di renobacion tabata canando. Awe, e celnan di detencion ta practicamente cla pa bay den uzo. Parti di e personal di Guarda Nos Costa, cu tabata traha na e centro di detencion na Dakota, ya a muda pa FOL y ta drechando e oficinanan pa asina dentro di poco nan por ta 100% operacional for di e localidad nobo.
E modernisacion aki no ta solamente infrastructural, pero tambe institucional. Ta di sumo importancia cu e facilidadnan di detencion ta cumpli cu e normanan internacional di derecho humano, mas ainda den caso di famianan cu tin yiu cu ta pendiente deportacion. Condicionnan digno, espacio adecua, ventilacion, higiene y separacion apropia ta parti esencial di un sistema responsabel y humano.
Mientrastanto, trabaonan di preparacion ta andando na Centro di Detencion na Dakota, pa haci uzo di e facilidad aki pa detene adictonan ambulante cu ta cay den man di husticia. Aki, bao supervision di profesionalnan den e ramo di maneho di adiccion, e adictonan den detencion lo ricibi tratamento y guia, cu e meta pa alivia e problema di abuso di substancia cu ta bayendo for di control pa basta aña caba y cu mester atencion urgente.
Minister Dowers a keda satisfecho pa mira e progreso concreto na e facilidadnan aki y e entusiasmo di e personal di Guarda Nos Costa pa haya un facilidad completamente renoba, cu ta responde na e exigencianan actual di siguridad, humanidad y profesionalismo.
E bishitanan aki ta confirma e compromiso di e minister pa fortalece e infrastructura di control y detencion den nos pais, cu balor pa dignidad humano, responsabilidad y cumplimento cu normanan internacional.
Detentiecentrum op de luchthaven binnenkort operationeel
Minister van Justitie, Integratie, Openbaar Vervoer en Energie, mr. drs. Arthur Dowers, bracht een bezoek aan de faciliteiten van Guarda Nos Costa op FOL en Dakota. Dit bezoek maakt deel uit van de voortdurende inspanningen om de detentievoorzieningen voor ongedocumenteerden die wachten op deportatie te verbeteren en te moderniseren.
Na zijn bezoek aan Immigratie op de luchthaven ging Minister Dowers naar FOL, gelegen naast de luchthavenbrandweer, om persoonlijk de resultaten te zien van de renovatiewerkzaamheden die werden uitgevoerd nadat het gebouw gedurende de vorige bestuursperiode door gebrek aan visie en investering was verwaarloosd.
Enkele maanden geleden had Minister Dowers zelf een verrassingsbezoek gebracht aan de faciliteit en gezien dat het renovatieproces al aan de gang was. Vandaag zijn de detentiecellen vrijwel klaar voor gebruik. Een deel van het personeel van Guarda Nos Costa, dat voorheen in het detentiecentrum op Dakota werkte, is inmiddels verhuisd naar FOL en richt de kantoren in, zodat de faciliteit binnenkort volledig operationeel zal zijn vanaf de nieuwe locatie.
Deze modernisering is niet alleen infrastructureel, maar ook institutioneel van aard. Het is van groot belang dat de detentievoorzieningen voldoen aan de internationale normen op het gebied van mensenrechten, zeker in het geval van gezinnen met kinderen die wachten op deportatie. Waardige omstandigheden, voldoende ruimte, ventilatie, hygiëne en juiste scheiding vormen een essentieel onderdeel van een verantwoord en humaan systeem.
Ondertussen worden op het Detentiecentrum in Dakota voorbereidingen getroffen om de faciliteit te gebruiken voor de detentie van ambulante verslaafden die in handen van Justitie vallen. Onder toezicht van professionals in verslavingszorg zullen gedetineerden behandeling en begeleiding ontvangen, met als doel het probleem van middelenmisbruik dat al jaren uit de hand loopt, effectief aan te pakken.
Minister Dowers toonde zich tevreden over de concrete vooruitgang in deze faciliteiten en het enthousiasme van het personeel van Guarda Nos Costa om een volledig gerenoveerde faciliteit in gebruik te nemen die voldoet aan de huidige eisen op het gebied van veiligheid, menselijkheid en professionaliteit.
Deze bezoeken bevestigen de inzet van de minister om de infrastructuur voor controle en detentie in ons land te versterken, met respect voor menselijke waardigheid, verantwoordelijkheid en naleving van internationale normen.
