Maestro Ciro Abath ta traha cu un gran variedad di material y technica manera entre otro: glas, brons y ceramica. Na diferente lugar aki na Aruba por mira y disfruta di e obranan di arte di Ciro, porehempel: na Airport, Plaza Padu, Señora Justicia riba plaza Alameda y entrada Aruba Bank na Hato.Ciro a sigui su mahestria na Academia di Arte Visual na Tilburg – Hulanda, cu un especialisacion den ceramica y obranan espacial tres dimensional. Despues e la sigui diferente tayernan na Academia di Verano na Salzburg, Fine Arts for Bronze, Urban Glass na New York, The Glass furnace na Instabul y Stipglas na Tilburg y un periodolargo di trabou na e Europees Keramisch Werkcentrum na Den Bosh.Na 2008 Ciro a lanta Terrafuse cu e meta pa stimula y trece e arte di glas y ceramica na Aruba, door di organisa cursonan y realisa obhetonan. Den e workshop na Ateliers ’89, cu lo dura cuater siman y ta srart dia 4 di Januari proximo lo pone enfasis riba e formacion di ceramica. E participantenan lo wordo stimula pa acerca conceptualmente ceramica. E tema central cu lo wordo mantene ta: “Inclucion:”, lo que kiermen cu lo agrega obhetonan organico y otro elementonan cu haña cu lo wordo incorpora den e klei: vegetal, animal, metal, etc. Klei den su estado plastico tin un caracter exopresivo halto. Bo mannan ta e prome herement. Den e technicanan tambe tin estetica y posibilidadnan pa refinamento. Bo sentimento personal por wordo expresa den esaki. Door di hornamento e ta bira duro y ta haci e cermica keto, e proceso lo tuma un rumbo contrario y asina e bo trabou ta haña forma. E workshop aki ta habri pa principante y avansa, lo no wordo exihe ningun studio previo di ceramica. Pa inscripcion por manda un e-mail cu tur bo datosnan na Ateliers ’89 su e-mail elvis@ateliers89.org. Inscribcion ta bai segun conforme e principionan di Ateliers ’89 y sin exclui ningun hende.Por yama pa mas informacion na 5885776 o 5654613. Edad ta 12 aña pariba y e workshopnan ta pa un luna. Dialuna pa Diahuebs di 6.30 pa 9.30pm. Ateliers ’89 ta situa na man drechi e crusada di Maria College na Playa. No perde e oportunidad unico aki y inscribi bo mes na tempo ya cu ecuponan ta limita.
