Den su ultimo evaluacion di e situashon financiero di Aruba, College Aruba financieel toezicht (CAft) a resalta un punto positivo: gobierno di Aruba a usa e surplus financiero pa reduci su debe. Segun CAft, pa 2024, un suma di 173 millón florin Arubano ta destina pa paga debe. E logro aki no solamente ta yuda stabilisa e finansa di gobierno, pero tambe ta bira un paso importante pa fortalece e posicion economico di e isla.
CAft a splica cu uso di e surplu di sector colectivo pa pago di debe ta crucial pa mantene un balansa financiero saludable. E acción aki lo permiti hasi Aruba menos dependibel di prestamo nobo y ta evita un aumento innecesario den gasto di interes. Den un contexto unda gasto di interes ta representa caba 17% di e presupuesto nacional, e reduccion di debe por libera mas fondo pa otro area necesario, manera salud, enseñansa, y infrastructura.
Pa logra e resultado positivo aki, e gobierno Arubano ta traha cu un plan structural pa asegura cu cada florin di e surplus ta inverti corectamente. Adicionalmente, CAft ta enfatiza cu Aruba mester sigui traha pa asegura cu e surplus di otro entidadnan di sector colectivo, manera Algemene Ziekteverzekering (AZV), Aruba Tourism Authority (ATA), y Sociale Verzekeringsbank (SVb), tambe wordo destina pa pago di debe.
Uso strategico di e surplus financiero por tin un impacto positivamente duradero. Pa un banda, e reduccion di debe lo yuda aumenta confianza den e mercado financiero. Pa otro banda, e gasto di interes mas abao lo habri espacio pa inversion den desaroyo di e isla y bienestar di su habitantenan
CAft ta remarca cu maneho di debe responsable no solamente ta un meta di corto termino, pero tambe ta un paso fundamental pa e sostenibilidad di finansas publico na futuro. “Aruba ta haci progreso positivo,” segun CAft, “pero e proceso aki ta un esfuerso contínuo y hopi importante pa mantene.”
