Diamars anochi rond di 11’or polis y ambulance bay panort di rotonde di Tanki Leendert cu ta conecta cu Watty Vos Boulevard [WVB].
Eynan un cabayero na stuur di un pickup lo a dal contra un cura di cas, y momento cu habitantenan a sali wak e no tawata reacciona.
Esaki a pone cu nan lo a spanta y mesora a bati alarma.
Polisnan y Paramediconan a yega y por a mira nan papiando cu e chauffeur cu despues di un rato a baha cana subi e ambulance.
Segun nos a compronde, e la wordo puntra si e ta un persona malo, of si locual a pasa a yega di pasa caba of ta prome biaha.
Na final Paramediconan a keda cu ne den ambulance y a pasa riba diferente pregunta cu ne y despues a sali direccion Hospitaal.
Polis di trafico tambe a presenta.
