Diamars mainta den careda di 8’or pasa unidad di rescate di Brandweer, ambulance, y polis a bay riba e caminda di Kibaima.
Informacion tawata bisa di un accidente pisa entre dos auto.
Polis cu a yega, a topa cu un Toyota Yaris y un Suzuki Swift. Na e autonan por a mira cu tawata trata di un accidente frontal.
Unidad di rescate cu a presenta, mester a traha basta rato pa saca chauffeur di e Yaris for di loke a keda di e Yaris.
Polis mester a cera crusada di Mondi Fierno y tambe rotonde ex Drive Inn mester a wordo cera debi cu e auto tawata memey di caminda.
Departamento Forensico di polis a wordo yama na e sitio tambe.
Paramediconan a tuma e cabayero over ora nan sake di e auto y despues sali cu ne direccion di Hospitaal.
