Diadomingo madruga a drenta informe di un accidente cu hende herida y auto sacando huma, mesora a dirigi tanto polis, ambulans como tambe bombero na e sitio. Na yegada di e patruya a bin compronde cu aki ta trata di un accidente unda e chauffeur di un auto B.M.W. deportivo coriendo cu velocidad halto a perde control baha caminda ranca un palo di lus y finalmente bay dal frontal riba un mata. Debi na e impacto e chauffeur a resulta levemente herida. Na yegada di e ambulans nan a atende e victima y a transporte pa hospital. Bomberonan tambe a presenta pasobra e auto tabata saca huma na nan yegada a desconecta e bateria.
