Diamars anochi a drenta informe di cu un auto a dal un peaton pabao di Los Cafeteros na Tanki Leendert, mesora a dirigi tanto polis como ambulans na e sitio. Na yegada di e patruya ya caba e peaton victima tabata den e ambulans. Locual a sosode ta cu e chauffeur di e Suzuki Swift aparentemente tabata bao influencia y bayendo pabao a bay mucho na su man drechi y e victima a ser alcansa pa e auto. Na yegada di e ambulans nan a atende e victima y mesora a transporte pa hospital. Polis a pone e chauffeur supla na e sitio mes pero e no tabata coopera y na lugar di supla tabata chupa. Polis a purba na varios ocasion pero no a logra haya e chauffeur pa supla. Polis a detene y a bay na warda cun’e pa wak ai e ta supla.
