Diasabra anochi a drenta informe di un accidente cu hende herida na Hooiberg, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un chauffeur cu lo a caba di bebe den un bar y tabata cu un mucha chikito den auto. E chauffeur a sali subi caminda sin duna preferencia y a dal cu un impacto basta fuerte unda un wiel a keda destrui. Pero asina mes e chauffeur a sigui core bay, ta danki na un bon samaritano cu a siguie y a avisa polis unda a logra par’e na Piedra Plat unda eynan a detene e tabata herida y e mucha tambe tabata herida. Ambulans a ser desvia pa Piedra Plat unda eynan a atende e mucha. Polis a hiba e chauffeur pa warda di polis na Santa Cruz mientras un patruya a hiba e mucha na su cas.
