Diadomingo anochi a drenta informe di un accidente basta fuerte riba Sasakiweg riba e caminda pa Oranjestad, mesora a dirigi polis na e sitio. Na yegada di e patruya a bin compronde cu aki ta trata di un accidente unda e chauffeur bao influencia di alcohol coriendo den un Cadilac s.u.v. a bay dal fuertemente tras di un Nissan Note perde control bay di patras riba un palo di lus kibrando esaki. Polis a detene e chauffeur pa core auto bao influencia. Despues na warda di polis polis a yama ambulans pa e chauffeur cu tabata sinti malo cu presion halto. Ambulans a presenta na warda y atende na e sitio mes.
