Diadomingo madruga a drenta informe di un accidente cu hende posiblemente herida na rotonde Pos Chikito, mesora a dirigi tanto polis como ambulans na e sitio. Na yegada di e patruya a bin compronde cu un chauffeur saliendo for di e rotonde Pos Chikito biniendo pabao a bay dal na e bloki muraya di separacion di e vianan y a kentel. Na yegada di e ambulans nan a controla e chauffeur pero no a resulta herida, ora cu polis a test e chauffeur a bin sali na cla cu e chauffeur ta burachi. Mesora polis a detene e chauffeur y a pidi takelwagen pa pone e auto bek riba wiel y kite for di caminda.
