Diadomingo atardi a drenta informe di un accidente cu hende herida na Tanki Leendert dilanti di Stern, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Hyundai Creta no a regula su velocidad ni a mantene distancia a bay dal tras di un Honda CR-V. Debi na e impacto e chauffeur di e Honda a resulta herida. Na yegada di e ambulans nan a atende e victima na e sitio mes.
