Diasabra madruga a drenta informe di un accidente cu hende herida riba e caminda di Mondi Fierno pa Balashi, mesora a dirigi tanto polis como ambulans na e sitio. Na caminda pa e sitio a compronde cu e chauffeur a baha e 2 damanan herida na e sitio di accidente y a sigui bay cu e auto.
![](https://solodipueblo.com/wp-content/uploads/2024/07/f11c50e2-fdc8-4432-abef-9041e6e96feb-1024x576.jpg)
Na yegada di e patruya a bin compronde cu aki ta trata di un accidente unda cu e chauffeur di e Van blanco a bay kita pa un cacho y a perde control y a bay dal un palo di lus kibra. Den e auto e chauffeur tabata hibando 2 dama pa Sanicolas cual ambos a resulta herida un mas cu e otro.
![](https://solodipueblo.com/wp-content/uploads/2024/07/15eb6eb5-2844-4a70-ab6f-551241d68faa-1024x576.jpg)
E chauffeur a baha e damanan herida y a sigui bay cu e van. Mucho mas leu e no por a yega debi na daño na e auto y a purba bay sconde e vehiculo. Na yegada di e ambulans nan a atende e damanan y a hiba un di nan pa hospital. Mientras e otro a ser busca pa su doño di trabao. Polis cu a sera e caminda banda pazuid a nota un van manera poco scondi na un hanchi tera bay pabao y a bay wak.
![](https://solodipueblo.com/wp-content/uploads/2024/07/8f182e11-f1e9-443e-aaee-5bceba3118bf-1024x576.jpg)
A bin resulta cu esey ta e van cu a dal e palo di lus. Un rato despues ta aparece un hende eynan cu ta bisa cu e tambe tabata den e auto y cu ela yuda e chauffeur pa hala e auto for di caminda ya cu tin hopi auto ta pasa y e van tabata riba caminda pero e mes (supuestamente) ta rondiando e chauffeur cu ta desapareci. Mirando cu e chauffeur no tey polis a confisca e auto. ELMARNV a presenta pa drecha e palo di lus kibra.
![](https://solodipueblo.com/wp-content/uploads/2024/07/e52a6ccc-d860-4f7f-af0f-d3707af93a70-1024x576.jpg)
![](https://solodipueblo.com/wp-content/uploads/2024/07/49b5f1d6-189d-47a2-9e8b-39df43abd6aa-1024x576.jpg)
![](https://solodipueblo.com/wp-content/uploads/2024/07/bca100d8-2b9e-45b3-bfbd-d51cfd25b3f6-1024x576.jpg)
![](https://solodipueblo.com/wp-content/uploads/2024/07/829c921a-e55e-4340-a727-9d5b0bfc4af0-1024x576.jpg)
![](https://solodipueblo.com/wp-content/uploads/2024/07/af7d106d-429f-4286-b0cb-fe1cd9944b0c-1024x576.jpg)
![](https://solodipueblo.com/wp-content/uploads/2024/07/93d5ad30-4d6c-41d0-8f8e-fe2749076d6f-1024x576.jpg)
![](https://solodipueblo.com/wp-content/uploads/2024/07/6b71a58f-da35-4950-bf49-276f1e9bb7aa-1024x576.jpg)
![](https://solodipueblo.com/wp-content/uploads/2024/07/d287dd7e-f13a-4258-bde9-3c1aabc2b0bf-1024x576.jpg)
![](https://solodipueblo.com/wp-content/uploads/2024/07/3d576c83-4f18-454b-aec8-147d4b6fe9e7-1024x576.jpg)
![](https://solodipueblo.com/wp-content/uploads/2024/07/890d138d-0a66-4a61-a3cf-7a852e11416e-1024x576.jpg)