Diamars den oranan di merdia algun persona pasando ariba e brug di Piedra Plat a mira un auto pega contra e vangrail, y un chauffeur cu no tawata mustra bon.
Polis a wordo informa, y lo a bay cu urgencia pa e sitio. Ambulance tambe tawata na caminda.
Na yegada di polis nan a topa cu un Nissan Sentra cu a baha caminda na su man robes, rancando un borchi di trafico y a bay pega contra e vangrail.
Ambulance a yega y mesora a bay controla e chauffeur.
A resulta cu e chauffeur no a bira malo manera lo a wordo pensa na prome instante, pero lo tawata bou di influencia.
Pa e motibo aki a pidi un transportwagen y a hibe warda di polis na Santa Cruz.
