Entidad nobo: “CHE”, Carbisch Hervormings Entiteit su cede ta na Den Haag
Kisas tin varios hende ta apluadi e hecho cu lo bini mas control Hulandes riba e islanan, pero nan ta lubida ki impacto y consequencia esaki por tin pa nos pais. Unaves cu nos accepta e ‘rijskwet’ di entidad, nos ta pasa pa cay bao Den Haag unda un Minister Hulandes tin e ultimo palabra. Awe nan por pinte masha bunita mes pa pueblo, pero e realidad amargo hinca den e ley ta mustra otro. E canticanan di amor por sona bunita, te ora cu e ley drenta na vigor, pasobra e ora ey ta CHE ta manda. Mas cu claro cu hopi ta opina cu esaki ta impugna contra e lucha sagrado di pueblo.
De ley di CHE por lesa esaki:
Artikel 2 (Caribische hervormingsentiteit), 1. Er is een Caribische hervormingsentiteit. 2. De Caribische hervormingsentiteit is gevestigd in Den Haag. 3. De Caribische Hervormingsentiteit bezit rechtspersoonlijkheid naar Nederlands recht. 4. De Kaderwet zelfstandige bestuursorganen is op de Caribische hervormingsentiteit van overeenkomstige toepassing.
Den Artikel 2.2 ta bisa cu e CHE aki ta estableci na Den Haag. Pues aya na Den Haag nan ta reuni, tuma decision y mande abao pa nos via e-mail. Artikel 2.3 ta bisa cu e entidad aki no ta traha como un instancia di Aruba, pero un intancia Hulandes unda ley Hulandes ta aplicabel. Dje forma aki a bypass den tur sentido e autonomia di nos pais, unda pa cualkier desacuerdo cu Gobierno por tin cu CHE, of cualke descaruerdo cu un NV di Gobierno por tin cu CHE, nan mester acudi na corte na Hulanda, basa riba ley Hulandes.
Te ainda e ley aki no a wordo aproba via consensus.
