Chelsea Campeon di UEFA Super Cup 2021

0
41

ORANJESTAD – Diaranson atardi a tuma lugar e wega valido pa UEFA Super Cup 2021 unda cu campeon di UEFA
Champions League, Chelsea a enfrenta campeon di UEFA Europa League, Villareal.


E wega aki a tuma lugar na Windsor Park na North Irland caminda a permiti publico mas o menos di 10 mil hende presencia e wega aki.


Chelsea como campeon di UEFA Champions League a inicia e wega aki den bon forma y tabata na di 27 minuut di prome mitar ta bay ariba cu score di 1-0 cual gol a wordo anota pa Hakim Ziyech cu asistencia di Kai Havertz.


Prome mitar a bay den descanso cu score di 1-0 na fabor di Chelsea. Den di dos mitar Villareal a busca tur manera pa empata e wega y tabata pone presion pa logra esaki, na di 73 minuut, Gerard Moreno ta logra empata e wega 1-1 cu asistencia di Boulaye Dia.


Asina tambe e wega aki a termina y a pasa pa tempo extra, ningun di dos ekipo den tempo extra no a logra anota gol y asina e wega aki mester a bay over na tironan for di punto penal.
Den tiro penal Chelsea a cuminsa ta faya, pero Villareal no a probecha di e situacion aki y tambe a faya
un tiro.


E score a keda empata te cu na di seis tiro caminda Ruediger ta haci e wega 6-5 pa Chelsea, mientras cu Raul Albiol ta faya ultimo tiro pa Villareal y asina Chelsea ta titula campeon di UEFA Super Cup 2021.


Cu final di e wega aki, ta cla pa yama tanto UEFA Champions League como UEFA Europa League su campeonato nobo bon bini, hopi ekipo a haci refuerzo, segun comentaristanan Paris Saint Germain ta ekipo favorito pa bay cu e titulo di UEFA Champions League.

LEAVE A REPLY

Please enter your comment!
Please enter your name here