Chofer di Dowers y Dwight Jiménez a bringa cu musico den Cafe Chaos
ORANJESTAD – Loke mester tabata un anochi di musica y diversion den Cafe Chaos a termina den puro caos y terror, ora cu dos homber (of tres) a ataca un musico brutalmente, lagando dos victima atras na sanger y cu corta na curpa.
Segun testigonan y testimonio di video, Dwight Jiménez a cuminsa e problema pa motibo di un jaloezie bieuw, relaciona cu un ex-pareha cu a termina relacion cune un aña pasa.
Testigonan ta bisa cu el’a choca e musico y despues a cuminza bati’e sin piedad na cabes. Algun persona a bay pa kita nan for di otro, pero tambe lo a bira parti di e pelea.
Na un dado momento chofer di minister Dowers, Hairo Loeftok a drenta den pelea pa “reforsa”. Testigonan ta bisa cu e homber tabatin renchinan bisti na su man, pues manera un arma, y a dal e e víctima den boca, cortando lip y kibrando djente.
BOCA NA SANGER, CABES GOLPIA
E musico y esnan cu a yuda e musico a keda cu boca corta, heridanan den cara y cabes, mientras cu sanger tabata core. Tur esaki a pasa den area di baño, unda e víctima casi no tabatin caminda pa huy.
FIESTA A BIRA PANICO
Clientenan di e bar a keda shock total mirando con un anochi di bon vibe a converti den un escena di violencia puro.
No por descarta cu kehonan a wordo entrega y e agresornan lo mester bay enfrenta husticia y para reslonsabel pa nan actonan.
Un bes mas trahador di minister ta den lus di problema, e biaha aki chofer di Minister Dowers.
Aki por sigui un persona cu tabatatey y a pone su testimonio y observacion riba red social.
