Actual Minister di Transporte y Comunicacion Sr. Chris Romero, a keda for di lista di Mep pa eleccion 2021.
Informacion cu SOLO a ricibi ta mustra cu Chris Romero a wordo ofreci #6, cual ta e number cu ta coresponde segun su votonan cu el’a ricibi na 2017. Na 2017 el’a cay den voto, y a ricibi 1048 voto. E cantidad di voto aki, ta dune posicion nunber 6, pa cual el’a wordo ofreci #6.
Chris Romero, den forma inexplicabel a dicidi cu e ta nenga e number aki, of a keda pone precion, pa asina e por a mantene number 3, of kisas number 4.
Segun mensahe cu ta circula riba red social, a dune 3 ultimatum pa e por a duna contesta.
E ultimo tabata diaranson anochi 9.30. Atrobe Chris Romero no a duna contesta, y asina a sigui traha lista y a duna Vallejo # 6.
Loke ta circula tambe ta cu Romero despues a reacciona, pero a wordo ofreci 18.
Tambe fuentenan ta bisa cu Romero of esnan cercano di Romero a aserca Accion 21. Nada a cristalisa te cu awe nochi.
Partido Avp tambe a tuma contacto cu Chris y segun nos informe, Mike de Meza a dune un call. Si nan a papia, no ta conoci.
Por filtra for di den Mep, cu nan ta haya cu Romero no a desplega un trabao manera a ser spera. Tambe e no tabata coperativo of tabata tarda hopi pa brinda ayudonan necesario, cosnan regular di trabao.
Ta parce cu Romero a perde su popularidad, y varios di su campañadornan mes a bandone.
Diamars a circula e informe cu el’a cera su ofcina y tur trahador a bandona e kantoor. Tur esaki pasobra cu # 6 lo a wordo considera un ofensa.
Otro informe ta bisa cu Chris tabata sigui consehonan robes, cu enbes e tuma su propio decision, e tabata laga otronan dicidi pe, of sigui consehonan di personanan robes.
Alvin Molina di Sanicolas a drenta den Top 10 di Mep den represacion di Sanicolas.
Por spera un rueda di prensa di Romero den e dianan nos dilanti y no por descarta cu manyan e por subi cualke otro lista y participa na eleccion.
