Riba diadomingo 8 di maart 2026, e Classic Car Rally Aruba 2026 lo tuma luga. Esaki ta e di tres edicion di e evento di auto unico aki na Aruba. Dueñonan di auto clasico lo haya e oportunidad durante e rally pa descubri Aruba den un manera special y drenta e camindanan mas pintoresco di nos isla. Por participa cu tur auto di aña 1995 of mas bieu.
Classic Car Rally Aruba ta enfoca riba amantenan di auto cu kier disfruta di core den un auto bunita y cu gusta topa otro entusiasta. E evento no ta un rally di velocidad. E participantenan mester sigui tur regla normal di trafico y nan no lo wordo midi riba tempo. E cosnan principal ta bon navegacion, teamwork balente y tareanan y preguntanan original reparti riba henter e isla.
Opzet di e rally
E ekiponan registra lo ricibi nan preguntanan y tareanan ban di 11’or di mainta, via WhatsApp y e-mail. No tin un luga central pa start; e participantenan por sali for di nan mes un luga y scoge e ruta cu nan kier core. Punto ta wordo gana door di contesta e preguntanan corectamente y completa e tareanan cu exito. E ekipo cu e puntuacion mas halto lo gana e precioso Classic Car Rally wisseltrophy y otro premionan.
Autoshow y entrega di premio
Entre 16:00 y 17:00 or di atardi, tur ekipo mester presenta na e ‘finish location’ na Batata Beach Bar na Savaneta. Aki e oficialnan di rally lo tuma e formularionan y lo organiza un Classic Car Show espectacular. Lo tin musica en bibo, un bar mobil y cada ekipo lo ricibi cuminda. Por ordena cuminda extra pa un prijs adicional. Naturalmente, despues cu e hueznan evalua tur formulario, lo anuncia e ganadornan di Classic Car Rally 2026. E evento lo termina rond di 7’or di anochi.
Inscripcion
Dueñonan cu tin un auto clasico di aña 1995 of mas bieu por inscribi te cu diahuebs 25 di februari na un di e siguiente luganan:
• Batata Beach Bar – Cura Cabai Beach 3, San Nicolas
• EuroKitchen Design – Solito 120, Oranjestad
• A.S.D. Hotel Supplies – Schotlandstraat 73, Oranjestad
Aki e participantenan lo ricibi e formularionan necesario y e ‘rally sticker’ unico pa pega riba e auto. E costo pa participa ta AWG 75 pa ekipo y mester wordo paga CASH na momento di inscripcion. Solamente inscripcionnan cu ta paga completamente ta valido. E cantidad di participante ta limita, p’esei no warda hopi y haci bo inscripcion na tempo!
Mas informacion Pa tur update y e noticia mas actual, wak e pagina oficial di Classic Car Rally Aruba riba Facebook y Instagram.
