Aruba, 3 Juni 2021
Club di dam Arowak ta reanuda su actividadnan di dam pa anja 2021 diaranson awor dΓa 9 di Juni pa 7:00 di anochi.
E promer actividad ta un simultaneo cu lo wordo duna door di Rolin Croes.
Como custumbre e ganador di e Campeonado di e anja anterior lo habri e actividadnan di dam cu un simultaan. Rolun a titula su mes como campeΓ³n di dam di Aruba pa anja 2020.
Un simultaan den wega di dam, ta unda 1 hungador (den e caso aki Rolin), ta hunga cu hopi hungador pareeuw, haciendo su zet na cada mesa. Tur hungador di dam por participa na e simultaan di dam aki.
Door di limitaciΓ³n di espacio di nos club y reglanan di DVG, nos por acepta un mΓ‘ximo di 20 participante na e actividad aki. Tur participante mester registra nan nomber y cel ora di entrada den club y mester presenta cu nan mond-masker.
E simultaan ta cuminza diarason awor 9 di Juni 2021 pa 7:00 di anochi.
Localidad lo ta den nos clubhuis na Nieuwstraat 11, Oranjestad sitΓΊa den e edificio pariba di e plein unda e tram ta lora bai back.
Nos ta invita henter pueblo hungador di dam pa bin midi forza cu nos campeΓ³n di dam di anja pasa den un simultaan. Bo tin un ventaha riba dje door cu e mester parti su atenciΓ³n entre tur e weganan cu ta wordo hunga e anochi ey.
Na final nos lo check cuanto wega Rolin por a gana, cuanto e la tabla y cuanto e la perde.
Pa bo ta sigur di bo lugar, bo por tuma contacto cu Mario Jansen (cel. 699-8245) of Ricardo Wever (592-6391) of Octavio Croes (594-5590) pa mas info y registra bo participaciΓ³n.
Por pasa tambe sin registra entre 6:30 y 7:00pm riba diaranson dΓa di simultaan, pero tin un chens cu ya nos a serΓ‘ 20 participante kaba.
Octavio Croes
Secretario di Club di dam Arowak
