Caribbean Mercantile Bank (CMB) ta orguyoso di su participacion den e Bike, Run & Walk-a-Thon organisa pa Brighter Future Academy Foundation. E evento tabata un gran exito, cu meta pa promove un bon causa educativo.
Brighter Future Academy Foundation ta un fundacion, cu ta traha pa yuda y guia hobenan cu necesidad educativo y emocional, pa nan por logra un futuro miho. E fundacion ta ofrece apoyo academico, mentoria y desaroyo personal den un ambiente seguro y motiva.
Varios empleado di CMB a participa activamente den e evento, eligiendo pa core, drenta den caminata of bicicleta riba distancia di diferente cantidad di kilometer. E entusiasmo y energia positivo di e team di CMB tabatin un impacto inspirando durante e mainta.
Pa duna apoyo adicional na e fundacion, CMB a haci un donacion di Afl. 10.000,00. E suma aki lo yuda Brighter Future Academy Foundation den su esfuezo pa sigui empodera hobenan di Aruba.
CMB ta creyendo den e importancia di sostene desaroyo di e muchanan y ta compromete pa sigui participa den iniciativa cu tin impacto positivo riba comunidad di Aruba.
