Coca-Cola, Pepsi y Nestle ta bolbe encabesa e lista di e companianan mas contaminante e siman aki pa e iniciativa Break Free From Plastic.
Segun e datonan di Break Free From Plastic – un movemento cu cual miles di voluntario rond mundo ta yuda recompila continuamente e cantidad y marca di e residuonan plastico cu ta wordo haya-, e corporacion The Coca Cola Company ta e principal contaminante di mundo.
Su boternan di bebida a wordo haya cu mayor frecuencia na beach, parke, riu y varios luga den e 51 di e 55 paisnan cu nan a realisa audit.
Loke ta nifica un aumento pa e cantidad di contaminantenan plastic cu ta pertenece na dicho empresa, compara cu aña pasa cu tabata esunnan mas frecuente den 37 di e 51 nacionnan encuesta.
Durante e aña aki, a recolecta 346.949 sushi di plastic di cual 63% a pertenece na marcanan di consumo reconoci globalmente.
Di Coca Cola nan a haya 13.834 pida di plastic, mas cu Nestle y PepsiCo hunto (8.633 y 5.155 corespondientemente).
Den e ultimo rapport a participa un total di 14.734 voluntario y a realisa 575 auditoria di marca di consumo.
Ademas, como “actividad special” debi na e pandemia di COVID-19, a conta cu ayudo di mas di 300 reciclador “pa resalta nan rolnan como trahadonan esencial.”
“Apesar di e desafionan di organisa durante un pandemia global, nos voluntarionan a coordina di manera sigur mas evento di auditoria di marca den mas pais e aña aki cu den e dos añanan anterior,” e informe ta indica.
