Entrante januari 2026, Instituto pa Derechonan Humano lo haci uzo di e facilidadnan di Corte Comun di Husticia di Aruba, Corsou y Sint Maarten y di Boneiro, Sint Eustatius y Saba. Diaranson, Rick Lawson, presidente di e Instituto, y Mauritsz J. de Kort, presidente di e Corte Comun, a firma un contrato pa formalisa esaki. E Instituto lo uza e localidad pa husga casonan di discriminacion riba e islanan Boneiro, Sint Eustatius y Saba .
Ley di trato igual pa Caribe Hulandes
Dia 7 di october 2025, Eerste Kamer a aproba e implementashon di e Ley di Proteccion contra Discriminacion pa Boneiro, Sint Eustatius y Saba. E implementacion aki ta encera cu for di januari 2026, habitantenan di e islanan lo por haci un apelacion riba e ley si nan ta sinti cu nan a wordo discrimina. Den e cuadro aki lo tin una mesa di ayudo huridico gratis y un servisio contra discriminacion (antidiscriminatievoorziening – ADV). Adicionalmente, habitantenan lo por entrega un keho di discriminacion independiente n’e Instituto. Habitatenan lo tin e opcion pa pidi un huicio di discriminacion cerca e Instituto of opta pa mediacion.
Presencia fisico di Instituto riba e islanan
Pa eherce su mandato nobo, e Instituto lo haci uzo di e facilidadnan di Corte Comun di Husticia di Boneiro, Sint Eustatius y Saba pa sesionnan di huicio. Esaki ta brinda e posibilidad pa casonan por ta trata personalmente. E colaboracion ta un paso importante pa garantisa derecho y solucion igual contra discriminacion na Caribe Hulandes, mescos cu loke ta posibel caba na Hulanda.
