/// Crisisteam mes ta den crisis *** Comedia tin mas previlegio cu Entiero
// Comedia por sigui cu 200 hende den sala, entiero cu 25
Crisisteam ta drentando den crisis formal y ta tumando decisionnan hopi cuestionabel. Den e mas ultimo informe, por analisa cu Crisisteam a duna permiso pa eventonan manera comedia por tuma lugar. Di otro banda un entiero por tuma lugar cu solamente 25 persona. O sea cu den cas di cultura, comedia por tuma lugar cu 200 hende of 300 hende, sinta den un sala, den airco, un halando rosea riba otro y emitiendo droplets na grandel, y si tin un persona cu Covid, e chens ta grandi di lo contagia otro.
Pues, segun Crisisteam, un comedia, divertision, harimento cu droplets, tin mas previlegio cu ora un famia perde un ser keri, y kier yora nan perdida, unda te hasta nan kier impedi un despedida.
Manera un periodista a bisa ayera: Crisisteam, take a break, tuma un pause y wak con boso por re-orgnisa e team aki.
Y deporte ? Tur deporte por sigui, sin publico ?
