Un comerciante a reclama recientemente cu Aduana na Airport a kita su mercancia for di dje y a tume den beslag. Segun e comerciante procedente di Colombia, cu no ta prome ves e ta trece mercancia y e biaha aki el’a trece $ 3150. Segun e ta bisa cu el’a trece cartera, sapato y paña. Sinembargo parce cu esakinan ta replica ( fake), y no ta original. Aduana parce tin un ley, cu ta prohibi pa drenta mercancia replica ( fake). Un di e problemanan ta cu Aduana no tabata por a splica e señora pe por compronde y tampoco presenta e señora e artikel den ley, unda e mercancia ey ta prohibi.
SOLO DI PUEBLO ta haya importante si cu Aduana su PR mester por duna mas informacion na comunidad, riba kico por of no por. Kisas un reminder lo ta na su lugar pa e comerciante y comunidad compronde kico ta e leynan.
Pues, parce cu cosnan di marca, tin proteccion y no mag drenta cu fake.
