Awendia den un mundo corumpi, caminda hende ta tuma bon haci malo, y ta tuma malo haci bon ,hende ta felicita y festeha cu malicia, ta parce manera fieldad ta un palabra cu a bay for di moda.
Pero mientras cu Dios ta na cielo, y Dios nunca lo baha for di Su trono, fieldad lo keda existi pa esnan cu ta kere den Dios, ta kere den e fieldad di Dios, ta aplica fieldad den nan hogar pa asina Dios Su nomber wordo glorifica.
E palabra un homber fiel, ta wordo chercha, pero un homber por ta fiel ora su amor, respet, integridad, ta sostene na Dios, pasobra ta Dios ta e unico respaldo pa nos amor, fieldad y integridad.
Pesey Hesus a bisa, cu pega den mi boso por tur cos, separa for di Mi, boso no por haci nada (Juan 15:5).
Nos tur mester haci nos maximo esfuerso pa imita Papa Dios den su Fieldad, pasobra nos tin cu tene cuenta kico E a haci pa nos;
E a adopta nos ( Efesionan 1:5-8).
Den amor E a predestina nos pa wordo adopta,como Su yuinan pa medio di Hesus Cristo, segun e bon intencion di Su boluntad,pa e alabansa di e gloria di Su gracia , cu E a drama na abundancia riba nos.Den tur sabiduria y prudencia.
Su amor ta grandi ( 1 Juan 3:1).
Mira ki un amor grandi e Tata a duna nos, cu nos por wordo yama yuinan di Dios, y esey nos ta.
E ta cuida nos. ( 1 Pedro 5:6-7)
Umiya boso mes anto bao di e man poderoso di Dios, pa e por halsa boso na e tempo apropia.Tirando tur boso preocupacion riba dj’E pasobra e ta percura pa boso.
Mateo 11:28 ta bisa : Bin serca Mi tur cu ta cansa y carga y lo mi duna boso sosiego.
E ta scucha nos. ( 1 Juan 5:14-15).
Esaki ta e confiansa cu nos tin Su dilanti, cu si nos pidi cualkier cos conforma Su boluntad, E ta tende nos. Y si nos sa cu E ta tende nos,den tur loke nos pidi,nos sa cu nos tin e peticionnan cu nos apidi di dj’E.
E ta provee pa nos( Mateo 7:11)
Si boso mes anto, siendo malbado, sa di duna boso yiunan loke ta bon, cuanto mas boso Tata cu ta den cielo lo duna loke ta bon na esnan cu pidi’E.
E ta mantene Su promesa.( Deutoronomio 7:9).
Pesey sabi cu Senjor bo Dios,e Dios fiel,Kende ta warda Su aliansa y Su misericordia pa cu esnan cu ta stime y ta warda su mandamentonan ta na e di mil generacion.
Ma esnan cu ta odi’E e ta paga bek en persona, pa destrui nan.E no ta tarda pa paga esun cu ta odi’E, e lo page bek en persona.
Pesey ta para scirbi Juan 3:36: Esun cu kere den e Yiu tin bida eterno, ma esun cu no obedese e Yiu lo no mira bida, ma e furia di Dios ta keda riba dje.
E ta cumpli cu Su proposito.( Salmo 57;2).
Lo mi sclama na Dios Haltisimo, na Dios Kende ta cumpli cu tur cos pami.
Job 42;2 ta para scirbi: Mi sa cu Bo por haci tur cos, y cu ningun di Bo propositonan no por wordo stroba.
Dios nos ta lubida riba nos.( Salmo 139:17).
Ki precioso bo pensamentonan ta pa mi, O Dios. Ki grandi nan cantidad ta!.
Laga nos como tata, imita Dios den Su fieldad.
Sinceramente, Pastor Marcel Balootje
