E rapport di investigacion forensico haci den RDA ta treciendo hopi escandalo na lus di dia. Un di nan ta un projecto spirito di Algen, cu a costa miles y miyones, cual na fin di dia, no tin nada.
E rapport ta menciona cu tin 100 mil florin cu a bay pa compania di Patrick Paskel di Terra Group cu ta liga na Mike Eman. E placa ta registra bao di “apertura Algen”. Pero ta kico a wordo cobra? Pa saca un potret a cobra 100 mil florin?
Kico ta Algen, “Algas Marinas” ?
Algas Marinas ta un supuesto yerba di lama cu lo traha energia berde “green energy” pa suministra energia na refineria. Den serio?
Pa e apertura aki, RDA a paga Patrick Paskel 100 mil florin, anto net dos siman prome cu eleccion di 25 di september. Pues “sin berouw”!
E rapport forensico aki lo mester wordo atendi pa Ministerio Publico pa asina bay regla cuenta di tur e hortamento cu a tuma lugar den e compania.
Aki un foto, na momento cu a hasi apertura di Algen. Pe apertura aki a cobra 100 mil florin? Pe foto “espectacular” aki a cobra 100 mil florin? Esaki ta mas bien ladronicia den dia cla cu mester wordo investiga.
( foto di 24ora.com)
