Cu sumo placer nos di Departamento di Cultura Aruba, conhuntamente cu Popcorn Club Aruba, ta invita pueblo completo di Aruba pa bin presencia e final di e Proyecto den cooperacion Dream, Dare, Do & Gang di Arte 2023, na unda lo tin e grandioso Final di Competencia Hubenil Gag Di Arte Aruba y tambe lo presenta e resultado final di e tayernan di preparacion di henter siman di campamento di e proyecto Dream, Dare, Do.
Durante di e tayernan, e hobennan mester traha un obra propio, creativo y orginal y nan mester interpreta nan vision y reflexion di e tema central cu ta: “Cultura”
E actividad ta tuma luga riba fecha 21 di juli 2023, na Centro di Bario Dakota, cuminsando pa 6:00pm te cu 9:30pm.
Entrada: Completamente Gratis.
Lo tin 17 grupo participando den e competencia den diferente disciplina Artistico, manera teatro, musica, baile y arte visual.
Durante di e anochi aki, tambe lo conta cu presencia di e grupo di Bonaire ganadornan di Gang di Arte Bonaire cu ta forma parti di e grandioso intercambio artistico hubenil aki.
E ganadornan di e edicion special aki, lo tin e oportunidad di ta e cara hubenil cu lo sigui profila nan talento durante henter aña den diferente actividad nacional como internacional.
Bin sostene nos talentonan hubenil y disfruta di un grandioso espectaculo y fiesta artistico cultural.
