Grupo San Hudas Tadeo Peregrino di Parokia Birgen di Fatima na Dakota ta informa, cu e aña aki 2022, ta cumpli 26 aña cu ta pasa cas cas di e Devotonan, pa conhuntamente cu e famia resa un Triduo na honor di San Hudas Tadeo.
Pero door di e situacion actual,cu nos ta bibando aden, ainda e Grupo di Oracion na honor di San Hudas Tadeo Peregrino, no por y a dicidi otro e aña aki.
E Grupo di Oracion na honor di San Hudas Tadeo Peregrino, lo publica e Triduo riba Facebook di Parokia di Fatima, cuminsando dia 28 di januari 2022 cu e prome (1) dia di Triduo, dia 29 di januari 2022 cu e di dos (2) dia di Triduo, dia 30 di januari 2022 cu e di tres (3) dia di Triduo.
Y ya e devotonan sa cu e di cuater (4) dia, cu ta riba 31 di januari 2022, si por, por asisti na un Santo Sacrificio di Misa na un Parokia cerca di nan cas, of na cualkier otro Parokia, pa pidi un Misa na honor di San Hudas Tadeo, pa gradici’e pa fabornan y/o gracianan ricibi of no ricibi. Si encaso no por, por sigui riba TV un Santo Sacrificio di Misa na EWTN of riba YouTube tambe, pero no lubida cu e posturanan, mescos cu ta personalmente presente y asistiendo na un Santo Sacrificio di Misa na un Parokia.
Alavez kier a informa e devotonan di San Hudas Tadeo, cu e aña aki tambe e Grupo di Oracion na honor di San Hudas Tadeo, cu ta organisa e novena na October (19-27 – fiesta na honor di e santo ta 28), lo cumpli 60 aña. Despues lo publica mas informacion, encuanto con lo celebra e aniversario di 60 aki.
Nos ta spera, cu e devotonan lo sigui seguramente e Triduo na honor di nos San Hudas Tadeo stima, cada luna riba e Facebook di Misa di Fatima. Informacion lo wordo publica sigur.
Si tin cualkier devoto cu lo ta desea pa ricibi mas informacion por yama libremente sra. Myriam Vrolijk na telefoon number 594 1829 of sra Ida Croes na telefoon number 594 4144. Cu mucho gusto nan lo por duna mas informacion.
Nos no kier sigui sin bisa: “Diripiente tabata tin dos homber ta papia cun’E. Nan tabata Moises y Elias, cu a parece den gloria. Nan tabata combersa cun’E tocante con E mester bandonan e mundo aki na Herusalem”. (Lucas 9, 30-31): ‘Durante Transfiguracion’.
Comentario: Moises y Elias, aunke nan no tabata bibo mas fisicamente riba mundo, nan tabata involucra y preocupa pa e proceso door di cual Hesus lo bay salba humanidad.
Na nomber di Grupo San Hudas Tadeo Peregrino
Ida Croes
594 4144
