Comunidad di Aruba ta corda y honra su Libertador, Betico Croes, riba su 40 aniversario di  fayecimento. Pa engrandece e fecha memorabel aki y recorda e balor di nos libertad, ta organisa  un Marcha Solem djaluna, dia 26 di november 2026.  

E Significado di Betico Croes pa Aruba 

G.F. “Betico” Croes ta keda conoci como e Libertador di Aruba y e gran arkitecto tras di nos  Status Aparte. Su vision firme, liderazgo incansabel y amor profundo pa e pueblo di Aruba a  hiba nos pais na un autonomia politico, dunando nos ehercicio riba nos propio destino, nos  propio Himno y Bandera. Betico a lucha cu alma y cuerpo pa uni e pueblo y fortifica nos  identidad cultural y nacional. Recorda su legado ta un momento pa reflexiona riba e sacrificionan  cu a wordo haci pa e bienestar y libertad di cada un ciudadano na Aruba. 

Fecha: Diahuebs, 26 di november 2026  

Salida: 6:00 pm for di eld di Nadi Croes/Crismo Angela (ex Veld di Winston )pa Plaza  Status Aparte na Santa Cruz.  

Ceremonia Protocolar: Di 8:00 pm pa 10:00 pm lo tin discursonan inspirativo y bunita homenahe nan na honor di Betico Croes.  

Ta haci un yamada cordial na tur club, organisacion, y tur habitante di nos dushi isla pa compaña  nos den e marcha solem aki y hunto mustra cu e spirito y e lucha di nos Libertador semper ta  keda bibo den nos curason. 

Trece bo bandera di Aruba y bin mustra un bes mas cu Aruba ta uni den rekerimentu di su  herencia historico!