E mundo di promotornan di evento di Romeo Santos ta den un polemica ora promotor di Aruba ta señala promotor di Venezuela pa no cumpli cu su parti di e acuerdo financiero pa paga avion.
Na su turno, e promotor venezolano ta defende su posicion, culpando e retraso na Santo Domingo pa e transporte di 1700 kilo di ekipo necesario pa e show, ora cu autoridad a dicidi pa haci un control riguroso na airport di Sto Domingo, treciendo tardansa p’e avion cu equipo sali pa Caracas.
Loke a keda cla ta cu e falta di un plan cla y e falta di coordinacion efectivo entre e promotornan a conduci na un cantidad di problema. E situacion ta bira mas peor cu e revelacion cu e promotor venezolano ta enfrenta dificultadnan financiero, obligando e promotor di Aruba pa saca placa for di su propio saco pa cubi gastonan di e avion pa e evento.
Den medio di e confusion, e agente di reserva “booking agent” tambe ta ser mira pa nonshalant pa no tin e situacion bao di control. Tur esnan envolvi ta enfrenta e consecuencianan di mal planificacion, falta di control y pago na tempo, resultando den un organisacion caotico di e evento tanto pa Venezuela y Aruba.
Ta lamentabel cu e falta di un mihor planificacion y coordinacion a afecta tur e partidonan envolvi, mustrando riba e importancia di un maneho impecabel den e organisacion di eventonan di e magnitud aki.
Pa proximo ves, ta spera cu promotornan percura pa tin control di cada plan y cada minuut.
