Dialuna mainta e noticia a drenta cu e conocido persona aki, John di Hooiberg / Serobiento a wordo haya morto na su cas. Informacion no confirma ta bisa cu a haye na sanger, cual probablemente por ta di golpi cu por ta ocaciona dor di caida.
No ta descarta cu e por a wordo golpia dor di otro persona. Pesey mes tin un investigacion tumando lugar.
Polis a emiti e siguiente informe:
Awe madruga pa mas o menos 1:40am central di polis ta wordo notifica cu na un cas na Hooiberg un persona masculino no ta duna señal di bida. Na yegada di patruya ta bin encontra un hende homber benta abao banda di su auto. Personal di ambulance a yega na e sitio di e sucedido pero no por a haci nada mas. Pa 2:30am Dr.Texier ta constata morto di J.R. Croes di 57 aña. Polis technico, departamento di recherche y slachtofferhulp a yega na e sitio di e sucedido. Di parti di Cuerpo Policial ta manda palabra di condolencia na e famia di e fayecido.
Condolencia na famianan.
