Tabata Dia 27 di Augustus 2021 cu e conocido locutor, productor, presentador di programa na radio Sr.Marcos Bislip Jr. hunto cu su tata awordo transporta cu urgencia cu ambulance pa Dr.Horacio Oduber Hospital na unda Sr.Marcos Bislip y su tata a keda interna.

Ta asina cu Sr.Marcos Bislip Jr. no por a sigi presenta su programanan na radio esta Hit Express y Romantic Paradise na TOP FM 95.1. tur anochi di 10 pm pa 12 am di dialuna pa diabierna.

Sr.Marcos Bislip Jr. ta hopi conoci y stima na radio y hopi popular pa cu su seccionnan informativo Earth News, Astro News y Nos Insolito Mundo.

Earth News ta e seccion informativo y educativo tur dialuna anochi den e programa di Hit Express y den e seccion aki ta trece informacionnan di e pandemia tanto local y internacional.Sr.Marcos Bislip Jr. na radio tabata splica oyentenan con peligroso e delta variante ta sin sa cu e mes ta haña esaki.  

Diamars anochi den e programa Hit Express nos tin e seccion informativo y educativo 

Astro News  y diahuebs anochi den e programa di Hit Express nos tin e seccion informativo Nos Insolito Mundo cosnan straño cosnan inexplicabel.

Diaranson anochi e programa romantico Romantic Paradise cu musica romantico di decadanan 60’, 70’, 80’ y 90’. Diabierna cu Hit Express cu e ambiente musical di fin di siman.Oyentenan na radio ta haña hopi falta di Sr.Bislip na radio nan a manda mensagenan via what’s app y messenger como tambe na radio pa cu pronto recuperacion y pa Sr.Marcos Bislip Jr. ta bek na radio.

Aparte cu Sr.Marcos Bislip ta den radio, media y prensa pa 39 Aña, Sr.Marcos Bislip ta presidente di tres instancia den nos comunidad.

Sr.Marcos Bislip ta un astronomo, ambientalista na unda tin un preparacion den e tereno di salubridad cu ta parti di medio ambiente y ta un first aid emergency responder.Anto Sr.Marcos Bislip tur Dialuna anochi den e seccion informativo ta duna informacion di Covid-19 pa comunidad cuida y na unda Sr.Marcos Bislip a cuida su mes mas cu un Aña largo pero toch a haña e covid te ainda Sr.Marcos Bislip no sa con e la haña esaki. 

Sr.Marcos Bislip e  lucha tabata hopi intenso paso ta den ICU Intensive Care Unit bo ta wordo poni  debi cu bo a perde tur bo rosea cu bo ta hala normal via di 

bo pulmonnan bo bida y salud ta depende di e machine di oxigeno y bo ta wordo poni na aparato di monitoreo pa monitoria bo curason, bo oxigeno y tur otro partinan vital di bo sistema di bo curpa.

E covid-19 Delta Variante aki a afecta hopi persona, den un camber cu Sr.Bislip awordo interna den un dia por a mira 10 persona a drenta y despues sali.

Sr.Marcos Bislip a cambia 5 camber in total y ta tres siman Sr.Bislip a keda interna no ta algo facil bo mester controla bo paniek atak si no bo no ta mehora e lucha ta hopi intenso mester lucha pa e pulmonnan por alcansa di 80 Spo pa 90 Spo y di eynan sigi aumente di 90 Spo pa 95 Spo y si por yega 98 Spo.

Durante tres siman bo ta lucha pa sali di e situacion doloroso di e pandemia aki y mas duro ainda ora bo perde un ser keri e ta bira mas duro. 

Tabata Dialuna Dia  6 di September 2021 pa 4:27 am di marduga cu verpleester hulandes ta kita e tubo di oxigeno for di Sr.Marcos su nanshi pa e por hala rosea normal via di su pulmonan atrobe.Mientras cu Diamars Dia 7 di September 2021 pa 11:30 am di mainta Dr.Jacobs ta informa Sr.Marcos Bislip cu e por bai cas pa 1:00 pm di merdia.Pa 2:47 di merdia Sr.Marcos Bislip ta bandona su ultimo camber B 311-A  na hospital gradiciendo e verpleesternan y broedernan cu a trata Sr.Bislip manera famia tristo ta paso bo ta dispidi di nan y bandonando hospital e dolor ta mas grandi Sr.Marcos ta sali sin su tata un momento hopi duro.Pero Sr.Marcos a cumpli cu e deseo di su tata pa sali di hospital.Sr.Marcos Bislip a cambia 5 camber B 309-A, B 312-A, B 319-A, B 304-B y B 311-A.Un danki special na e verpleesternan y broedernan cu a yuda Sr.Marcos Bislip.

Sr.Marcos Bislip tin un remarke si cu e kier trece pa dilanti cu entre Dia 3 di September, Dia 4 di September y Dia 5 di September 2021 cu e verpleesternan y broedernan cu tabata atende su tata a nenga di duna su tata atencion y asina mes su ruman muher a lucha pa yuda su tata pa cual Sr.Marcos mes tabata testigo.

Sr.Marcos Bislip ta un first aid emergency reponder y tur persona tur pashent tin derecho di haña atencion di wordo yuda te na final.

Esei Sr.Marcos Bislip y famia no a keda contento y nos como famia a pidi pa duna su tata atencion pero nan no a worry mes.

Sr.Marcos Bislip kier a aclaria algun informacion incorecto pa cu covid-19 esnan cu a fayece y esnan cu a sali for di hospital pa mas cu 2 pa 3 siman no ta contagia ningun hende paso e virus a muri y tur esnan cu tabata na hospital a ricibi un tratamiento antibiotica etc.E protocol ta conta pa publico pa tur evento sea ta entiero of otro actividadnan.

Pa no duna mal informacion pa spanta comunidad innecesariamente sin busca informacion prome. 

Sr.Marcos Bislip a busca informacion di e dokter cu ta atendele y tambe su tata y Sr.Marcos Bislip ta hopi contento di tur informacion y pregunta cu e la haci na Dr.Jacobs cu a dune tur informacion un tremendo dokter.  

Sr.Marcos Bislip ta recuperando satisfactoriamente na cas y pa November lo controla e pulmonan y for di eynan Sr.Bislip lo ta bek na radio y sigur lo trece hopi informacion den su seccion informativo cu e tabata duna caba di covid-19 esta Earth News na TOP FM 95.1 den e programa Hit Express tur dialuna anochi depues di 10pm pa 12 am.

Sr.Marcos Bislip kier a pidi e oyentenan un poco di pasenshi y comprenshon pronto nos ta den aire na radio atrobe.

Por ultimo Sr.Marcos Bislip kier a avisa e comunidad pa cuida mas tanto cu ta posibel paso covid-19 Delta Variante no ta pordona sea bo a vacuna of no e ta afecta bo pulmonan, e por ataka bo sistema nervioso, y por traha klompi di sanger den bo adernan cu por duna bo atake di curason un virus variante hopi peligroso pa humanidad.   

Saludos Coridal, 

Marcos Bislip Jr. 

LEAVE A REPLY

Please enter your comment!
Please enter your name here