Conocido Manicurista Colombiana Johana Garcia tira mata pafor di su cas/negoshi na El Caney Cali

Diahuebs 28 di April den horanan di atardi, e manicurista conoci na Aruba, Johana Garcia di 33 aña a wordo tira pafor di su cas cu alaves ta su negoshi na El Caney, sur di Cali, dor di sicario.

Segun informacionnan treci dilanti den prensa di Colomnoa, El’a ricibi un yamada di telefon y a sali pafor di su tienda pa atende e telefon. E momento ey sicario a yega sin bisa nada y cuminza los tiro riba dje. Johana a cuminza core den e caya dilanti su vivienda/negoshi pa scapa di e tironan, pero envano, pasobra el’a wordo alcansa pa varios bala.

El’a wordo transporta pa Hospital Valle de Lili, unda el’a fayece.

Aruba

Riba rednan por lesa cu Johana ta conoci na Aruba y tabata haci trabao di manicurista, pero tambe el’a traha na varios otro lugarnan, entre otro na Hooters. Amistadnan ta yora su partida.

Ta ser bisa cu despues cu el’a biba hopi aña na Aruba, el’a regresa Colombia pa bay cunpli cu su soño.

Johana tin 33 aña, (algun prensa ta menciona 43 aña) y ta laga un yiu atras.

Solo di Pueblo ta extende palabra di condolencia na famianan y amistadnan na Aruba y na Colombia.

LEAVE A REPLY

Please enter your comment!
Please enter your name here