Diabierna tardi, un incidente a tuma lugar ora cu Speed Andrade a wordo agredi cu un mokete den cara. Segun Edmond Croes a informa, ta trata di su sobrino. E situacion aki ta un resultado di añanan largo di agresion verbal y bullying riba e plataforma di Mark Benson Denz, Speed y Patrick, cu ta uza nan plataforma pa ataca henter Aruba, den e caso aki Famia Croes.
Edmond a duna claridad riba esaki, indicando cu e bullying verbal ta un realidad tur dia, no solamente pa su famia, pero tambe pa hopi otro famia den comunidad. El’a bisa: “Mi sobrino mesora a bay warda di polis na Shaba despues di e mokete.” “Lamentablemente, esaki ta consecuencia di añanan di abuso emocional contra su tata, su wela (dfm) y henter su famia.”
Ta importante compronde cu su sobrino ta un ser humano cu tambe tin sentimento y cu su accion ta simplemente pa contesta e bullying. Edmond a yama atencion riba e problema serio cu hopi otro ta sufri den silencio.
Edmond a manda un mensahe di sosten y amor: “Sobrino, nos ta comprondebo y nos ta cubo semper.”
E incidente a habri e debate den comunidad riba e impacto di agresion verbal y abuso emocional, y ta hasi un yamada pa stop bullymento.
Edmond a bisa cu e no tin control riba su sobrino of sobrinanan. Maske e ta papia cu nan constantemente pa nan keda trankil, pero ora nan mira of topa cu Mark Benson, Speed of Patrick, nan emocionnan ta bay halto y nan no por contene nan mes di atende cu nan.
E plataforma di Mark Denz a presta su mes pa trece noticianan falso, manipulativo, hasta haci mofa di famianan di Croes na un forma regular.
Nunca Croes a uza su medionan pa papia di mama, tata of welo of wela di Mark Benson. NUNCA!
Pues awo e cos a sali for di man, no por culpa e sobrino, pasobra e no ta e agresor, e ta victima, e agresor ta e trio cu ta disfruta y kisas haya orgasmo di odio, cu ta hiba nan pa lansa tur sorto di bully.
E trio ta dirigi nan audiencia: “Ora bo topa e famianan Croes riba caya, grita nan !”..
E tipo di opruing nan ey a keda sosode y tur autoridad a para wak. Dia a keha nan na polis, OM, corte y HOF a dicta cu no ta atende e keho y asina a duna e trio “free hand” pa sigui instiga.
Awo cu sla a cay, nan kier pidi pa stop agresion? Y ki dia nan a wak nan mes den spiel pa pidi stop e bulymento?
E lamentabel cu e caso mester a bay for di man, pa awo henter comunidad cuminza lansa nan bos di protesta contra Mark Benson, Speed y Patrick.
Si no bin un cambio di curso di e plataforma, nan mes ta invita pueblo pa atende cu nan riba caya.
