Ariba 1 di mei 2022 e constelacion di e miembronan nobo di Sociaal Economische Raad (SER) a wordo instala.
SER ta un organo di deliberacion y conseho, cu tin e responsabilidad pa vocifera su opinion y recomendacionan na gobierno encuanto diferente temanan riba tereno social y/of economico, sea riba peticion di un of mas ministers of riba iniciativa propio. E Raad, ta consisti di tres partido igualmente reparti, esta tres representante di organisacionan sindical, tres representante di organisacionan di dunado di trabao y tres experto independiente apunta door di gobierno cual ta suma un total di 9 miembro. Alaves e Raad tin 9 miembro suplente cu ta reemplasa e miembronan fiho ora esakinan haya nan mes impedi di asisti na un reunion.
Pa cu e ehecutacion di su tarea, e Raad ta dispone di un Secretario General cu ta na cabes di e Secretariado di SER consistiendo di un staf di beleidsadviseurs.
E Secretariado ta percura pa suministra e Raad di tur informacion y datos (basa riba investigacion y analisis) necesario pa por yega na un conseho.
E constelacion nobo di SER ta consisti di e siguiente personanan:
Miembronan Fiho
Representantenan di organisacionan di dunado di trabao
- Sr. Tristan Every (representante di ATIA) y alaves voorzitter nobo di SER
- Sr. Maarten Jan van Romondt (representante di AHATA),
- Sra. Monica Kock (representante di Kamer van Koophandel)
Representantenan di organisacionan Sindical
- Sr. Hose Figaroa (representante di FTA) y alaves plaatsvervangend voorzitter nobo di SER
- Sr. Rene Bernabela (representante di TOPA)
- Sra. Josefina Albertus (representante di SIMAR)
Miembronan independiente
- Sr. Ben Marapin (experto ariba tereno di economia)
- Sra. Christie Mettes (experto ariba tereno di sostenibilidad duradero y innovacion)
- Sr. Stanley Heinze (experto ariba tereno social)
Miembronan Suplente
Representantenan di organisacionan di dunado di trabao
- Sra. Maura Brown (representante di AHATA)
- Sra. Lay Hing De Kort-Yee (representante di Kamer van Koophandel)
- Sr. Ronnie van Trigt (representante di ATIA)
Representantenan di organisacionan Sindical
- Sr. Leopoldo Hernandis (representante di TOPA)
- Sr. Anthony Figaroa (representante di SIMAR)
- Sr. Hubert Dirks (representante di FTA)
Miembronan independiente
- Sra. Francielle Laclé (experto ariba tereno di sostenibilidad duradero)
Despues cu e conseho nobo a wordo instala, dia 24 di mei a hasi un ‘Kennismakingsbezoek” cerca Minister di Asunto Economico, Comunicacion y Desaroyo Sostenibel, Sr. mr. Geoffrey B. Wever, caminda a cera conocí cu voorzitter y plaatsvervangende voorzitter nobo di SER. Durante e bishita aki alaves a intercambia ideanan pa cu futuro temanan pa consehonan di SER.
Siguientemente por aprecia den e potret di e bishita di SER cerca minister Wever, (di links pa rechts) Sr. Tristan Every voorzitter di SER, Minister di Asunto Economico, Comunicacion y Desaroyo Sostenibel, Sr. mr. Geoffrey B. Wever, Sr. Hose Figaroa plaatsvervangend voorzitter di SER y Sr. drs. Felix Bijlhout (Secretario General cu ta na cabes di e Secretariado di SER).
Rapportnan/consehonan di SER ta disponibel pa publico ariba e website di SER www.ser.aw. Pa mas informacion tocante e trabao di SER y/of su rapportnan/consehonan por bishita e website www.ser.aw of tuma contacto na telefon 583-2713 of via e email info@ser.aw.
