Contrabando di Ilegal y gasolin den Parke Nacional Arikok
Diadomingo merdia 1.30, personal di Parke Nacional Arikok a notifica polis, di varios jerry cans, carga cu gasolin, cu a wordo haya na costa pariba, serca di molinanan di biento.
Polis a acudi na altura di e molinanan di biento, pa topa personal di Parke.
Supervisor di Parke a dirigi polis na e sitio, banda di molina di biento, unda a haya 10 jerry cans, di cual 4 tabata mitad cu gasoline y 6 tabata bashi.
Polis a hiba tur 10 jerry cans warda di polis Sanicolas unda nan a wordo warda pa mas investigacion.
Cu 10 jerrycans a wordo haya ta indicacion cu un actividad ilicito a tuma lugar. No ta descarta cu ta un contrabando di ilegal hunto cu gasolin.
