Diahuebs 4 di juli, e popular y grandioso torneo t’ey bek. Fanaticada di futbol ta keda cordialmente invita pa yega Solito ya for di 6’or di atardi. Lo haci apertura y lo duna reconocimento na cuatro baluarte tricolor. Pa 7’or en punto lo ranca sali cu e “partidaso” entre e team Campeon, cu a caba di promove, Unistars di Pos Chikito vs doño di cas Soldadnan Tricolor.
![](https://solodipueblo.com/wp-content/uploads/2024/07/2-1024x858.jpeg)
Pa 9’or di anochi “otro tabla lo bula” ora CDRA Cayman di Rooi Afo topa cu RCS di Savaneta. E campeonato lo continua diabierna pa 7or cu Estrella vs Caiquetio y sigi pa Brazil jrs vs Riverplate. Diasabra 7or RCA vs CDRA y despues Unistars vs RCS.
![](https://solodipueblo.com/wp-content/uploads/2024/07/1-1024x858.jpeg)
Diadomingo pa 6’or atardi ta Estrella vs Brazil jrs y 8’or Caiquetio vs Riverplate. Entrada ta solamente 5 florin y 2 florin pa mucha. Menu di “Tricolores Corner” lo ta campeon cu Sopi, Burgers, Saté, Pastechi, Loempia, Croquette, Deditos y mas. Lo tin diferente TV screen pa e weganan di Copa America. Bini uno bini tur, apoya bo ekipo den e dushi ambiente na stadion di RCA
![](https://solodipueblo.com/wp-content/uploads/2024/07/WhatsApp-Image-2024-06-28-at-8.19.31-PM-1024x576.jpeg)