Diadomingo anochi polis y dos unidad di Brandweer a sali pa un adres na Tanki Leendert, unda cu lo tin candela.
Despues di un bruhacion den adres y e area a bin topa e adres corecto cu tawata full un otro caminda.
A bin na cas, unda cu den e cura tin apartamento. Den un di nan huma tawata saliendo y por a haya holor di candela.
Mirando cu e apartamento paden tawata scur y no sa si por tawata tin hende paden, bomberonan a haya nan ta kibra un bentana y drenta paden. Di e manera cuminsa combati e candela, cu a original na un corchon.
A move un auto cu tawata staciona dilanti e entrada y a logra kibra un porta di aluminium. Por a mira cu paden tur cos tawata preto di huma.
Bomberonan a logra paga e candela cu a cuminsa na e corchon y debi na esaki causa basta daño material y perdida di pertencianan personal.
Na e sitio, a wordo papia di un algo posiblemente intencional. Investigacion lo mester deduci esey.
