E segundo ola di Coronavirus ta asotando nos pais den un forma grandi. Solamente di e segundo ola tin 930 caso, desde 3 Augustus.
Hospital:
Informacion cu SOLO tin, ta bisa cu tin 11 persona hospitalisa di cual dos ta den ICU y 9 ta den kamber isola. Nos a confirma esaki cu HOH.
Esaki sigur ta algo cu por a spera y cu tanto hospital y DVG ta bisa di tin bao control. Hospital a bisa di tin suficiente capacidad te cu awor unda tin mas di 25 unit di ICU disponibel.
Dokternan adicional:
Diasabra lo ta yegando Aruba riba un vuelo special for di Corsou, dokternan adicional cu ta bini Aruba pa yuda. Ta trata di 10 dokter! Nos a confirma nan ta yega riba un vuelo special di EZair.
Ta trata aki di e dokternan cu tin algun luna caba riba standby na Corsou y awor a manda nan Aruba.
E casonan di corona por sigui aumenta te dia 17 pa 18 di Augustus. E momento ey por conoce un drop.
E segundo ola aki lo bay registra riba 1000 caso desde 3 di Augustus.
