Den un veredicto awe hues a duna castigo den e caso di AZIA cu a tuma lugar na november di aña 2021.
Hues a bisa cu ta prueba cu e rumannan Williams a drenta e restaurant caminda Wever y su amigonan tabata, cu e unico motibo di busca problema.
Wever no a busca e problema, pero door cu ela defende su mes cu un stoel pa core cu e Williamsnan, hues ta haya cu e tambe ta responsabel pa “openlijke geweldspleging”. Segun hues Kevin mester a djis para keto y laga nan dal e. E no a hasi esey y a wordo condena pesey cu 40 ora trabou comunitario (taak straf).
E Williamsnan sinembargo cu a causa e problema, a haya castigo di prison. Chris Williams, casa di Gerlien Croes, a haya dos siman di prison condicional di 2 siman, cu un periodo di prueba di 2 aña, y 120 ora trabou di comunidad. Nigel Williams, esun cu a causa e problema, a wordo condena na 1 luna di prison condicional, cu 2 aña di prueba y 160 ora di trabou comunitario.
Cu esaki e caso ta wordo conclui y e berdad porfin a sali na cla den cual tur hende por mira con e rumannan Williams sin motibo algun, a causa destruccion na e restaurant y busca problema cu Wever y su amigonan.
