Recientemente, riba diamars mainta, Corte di Husticia a dicta un sentencia importante na fabor di Glenroy Wilson, empleado di Refinería di Aruba, conoci como Refineria di Aruba (RDA).
Algun luna pasa, pa motibonan incomprendibel y sin ningun base legal, e director nobo nombra di RDA, señor Henriquez, ex director di Elmar a despidi señor Wilson di su trabou. E decision aki a wordo tuma sin argumento valido y sin presenta prueba concreto.
Pa e retiro inhusto aki, señor Wilson a dicidi pa acudi na corte pa defende su derechonan como empleado. Despues di analisa e caso, Corte a duna razon na Wilson y a ordena RDA pa reincorpora e empleado inmediatamente na su trabou.
Den su sentencia, Corte a critica fuertemente e manera cu e director di RDA a actua, describiendo su decisionnan como sin base, sin argumento y descabeya. Segun Corte, no tabata ningun motibo legal ni administrativo pa hustifica e retiro di Wilson.
E resultado di e caso aki ta un victoria no solamente pa señor Wilson, sino tambe pa tur trahadornan cu ta kere den husticia y estado di derecho. Nos ta felicita señor Glenroy Wilson pa su perseverancia y pa no a cede dilanti di abuso di poder.
Unabes mas, e caso aki ta mustra cu claridad con e hunta di directiva nombra pa e partido di gobierno ta actuando di manera irresponsabel, persiguiendo y investigando empleado sin base, intentando pa kita hende di nan trabou sin hustificacion valido, y abusando di e poder cu nan a wordo confia.
E sentencia aki ta un mensahe cla: ningun director ni hunta di directiva ta riba ley.
