Corte di prome instancia di aruba a emiti awe su sentencia contra J.T.. Corte a comproba cu e sospechoso a abusa di dos menor di edad durante un tempo di dos aña. E dos mucha muhernan agredi sexualmente ta miembro di famia di su pareha. Bao di pretexto di yuda e muchanan cu nan lesnan di scol, el’a cera e muchanan varios ves den kamber di e cas y e tabata mishi cu e muchanan, incluso tabatin penetracion sexual. Corte ta considera e declaracion di e dos muchanan como creibel y confiabel. Corte den su consideracion a lamenta cu e acusado a abusa di su posicion di superioridad y por lo tanto a causa un daño grave na e desaroyo di e dos mucha muhernan. Pa e acusado corte a dicta un sentencia incondional di cinco aña. E sospechoso tambe a wordo condena pa paga daño na ambos mucha muher, na un razon di Afl. 5000.00 cual placa mester wordo entrega na e mama.
