Corte di Husticia awe a pospone e caso cu Corte Superior a planea pa tuma lugar awe merdia 2 pm.
SOLO DI PUEBLO por a compronde cu e motibo di e posponemento di tratamento di e caso ta debi na fayo den e sistema di computer di Corte di Husticia.
Por a compronde cu tin un fayo den e sistema di computer di henter Corte Comun di Husticia di Curacao, Aruba, Bonaire y Sint Maarten.
For di siman pasa ta confrontando cu e problema aki caminda empleadonan di Corte ta sinta tras di computer sin por haci nada, pasobra e sistema no ta funciona. Ta hopi hende no a wordo atendi na Corte door di e situacion reinante.
Awe mainta abogado mr. D.Croes a wordo notifica cu tratamento di e caso via video conference pa 2’or di merdia a keda posponi door cu no tin comunicacion via computer pa por realiza esaki. Ta asina cu tanten cu no a soluciona e problema di computer, no por fiha un fecha pa tratamento di e caso.
