Corte Ruso a multa Google cu mas di 41 mil dollar pa mustra resultado di buskedanan prohibi den e pais Corte di Moscu a multa Google cu un cifra record di 3 miyon di rubble (mas of menos 41 mil dollar) pa mustra repedidamente den e resultadonan di buskeda contenidonan prohibi na Rusia. E multa maximo pa e tipo di violacion den e pais aki ta di 5 miyon di rubble, mas of menos 68 mil dollar. Segun Roskomnadzor, e regulador Ruso di medio, “Goole no lo elimina te cu 30% di e enlacenan cu contenido prohibi na Rusia, incluyendo luganan cu contenido extremista, pornografico y suicida.” No ta prome biaha cu Rusia ta castiga Google pa e motibo aki. Augustus ultimo, e compania Mericano a wordo multa cu 1,5 miyon di rubble y na juli di 2019 cu 700 mil rubble.
