Diamars mainta lider di AVP despues di su bishita cerca Gobernador a declara cu su persona, hunto cu e otro tres partidonan chikito cu a haya asiento, a articula cu nan kier un cambio y hunto nan lo por haci e cambio cu tanto nan ta desea.

Segun Mike Eman, e programa di e partidonan aki ta paralel cu e programa di AVP. Di otro banda ta tende rond cu e partidonan aki ta contra corupcion y lo kier bringa corupcion.

Mientras tanto por scucha hopi rumornan pero no por confirma, cu lider di AVP lo a acerca caba e partidonan chikito cu asiento pa mira si nan lo kier forma cu AVP. AVP ta un partido cu actualmente tin un nubia scur riba dje, mirando cu AVP tin un candidato grandi cera na KIA, bou investigacion di actonan corupto cu terenonan di pais Aruba y mas acusacionnan serio, manera fraude, labamento di placa, cu lo por afecta e credibilidad di e partidonan nobo cu pueblo a duna su confiansa, paso pueblo ta pidi no mas corupcion.

Tur lider di e partidonan ta bon na altura cu na momento cu no tin un gobierno di 11 asiento of mas, mester bin coalicion y esaki tin un proceso cu mester cana su caminda y e proceso aki a cuminsa cana su caminda caba, esaki mester wordo respeta.

Gobernador di Aruba a sinta dialuna caba cu Presidente di Raad van Advies, Presidente di Parlamento y Lider di partido MEP.
Diamars a toca turno pa sinta cu Gobernador, e Lider di partido AVP, Lider di partido RAIZ, Lider di partido MAS y Lider di partido Accion21.

Diaranson Gobernado lo sinta cu Presidente Sociaal Economische Raad (SER), Presidente Suplente Algemene Rekenkamer Aruba (ARA) y cu e Miembro postula pa Aruba di College Aruba financieel toezicht (CAft).

Ora cu nos Gobernador caba cu tur e consultanan aki, e lo nombra un informado cu lo sigui cu e trabounan y consultanan pa mira si e partidonan lo por yega na un coalicion. Na momento cu e informado ta cla, e ta entrega e trabou haci na nos Gobernador. Gobernador lo bay nombra un formado pa caba di forma e gobierno nobo. Mas sigur cu lo por keda cla memey di juli of te hasta te fin di juli mes, depende con lihe nan lo bay di acuerdo pa traha un programa di gobernacion hunto.

Segun nos a compronde cu partido AVP lo haci su maximo esfuerzo pa ta parti di e Gobierno nobo y si no logra e biaha aki si Sr. Mike Eman, lo bay Parlamento. Mas sigur e lo a realisa e error grandi cu e la comete 4 aña pasa di a keda pa fo di Parlamento.

LEAVE A REPLY

Please enter your comment!
Please enter your name here